Mannauður

Meginmarkmið í mannauðsmálum hjá ÍTR eru:

1. Að hjá ÍTR starfi hæft, ábyrgt og áhugasamt starfsfólk.
   Leiðir:
   • Ávallt sé leitast við að ráða hæfa starfsmenn sem búa yfir þekkingu og getu sem nýtist í starfi.
   • Starfsmenn fái viðeigandi þjálfun og menntun sem er nauðsynleg fyrir starf þeirra.
   • Starfsmenn leitist við að laga sig að þeim kröfum sem starfið gerir til þeirra svo sem vegna tæknilegrar og faglegrar þróunar.
   • Stjórnendur ÍTR með mannaforráð fái stuðning við starfsmannastjórnun.
   
   
2. Að ÍTR styrki mannauð, starfsfólk hafi möguleika á að vaxa og dafna í starfi og að starfsmenn líti á starf hjá ÍTR sem framtíðarstarf.
   Leiðir:
   • Starfsmenn ÍTR fái notið hæfileika sinna í starfi og svigrúm sé fyrir starfsmenn til að eiga frumkvæði að verkefnum sem lúta að starfseminni.
   • Starfsmenn hafi möguleika á að takast á við ný og breytt verkefni.
   • Starfsþróunarsamtal milli starfsmanns og yfirmanns fari fram að lágmarki einu sinni á ári.
   • Starfsþróunarsamtöl verði notuð markvisst við starfsþróun.
   
   
3. Að ÍTR sé góður vinnustaður þar sem ríki samheldni og andi jafnræðis.
   Leiðir:
   • Starfsmenn ÍTR séu samtaka um að framfylgja stefnu borgarinnar og stefnu ÍTR og að ná þeim árangri sem stefnt er að í starfsáætlun.
   • Greið samskipti og reglulegir starfsmannafundir.
   • Sveigjanleiki til að samræma starf og einkalíf.
   • Heilbrigt vinnuumhverfi og góð vinnuaðstaða.
   
   
4. Að starfsumhverfið sé starfshvetjandi.
   Leiðir:
   • Starfslýsingar fyrir öll störf.
   • Verkferlar vel skilgreindir og ábyrgðarsvið skýr.
   • Gott upplýsingaflæði innan sviðsins.
   • Starfsþróunarsamtöl notuð markvisst fyrir umbun og hvatningu.